Los Reyes Magos olvidan a los niños campesinos...!

Mitâ torore*

Torore mitâ,
tokente mitâmi
ani oú ichupe
kurégui ivaivéva.

Torore mitâ,
nde ru ikane'o
nde sy opytu'u
ha nde ryvy okéma.

Torore mitâ,
ekéna pya'emi
eñepyrû haguâ
evy'ami nde kéra.


Torore mità,
eguereko haguâ nde páype ereko'yva
nde páype ehecha'yva mba'eita rehaihuetéva;
nde rapichápe oguerúva oriéntegui los reyes,
ohechaukávo ndeve tesa'ype rema'êva;
reikua'asé mba'éicha nde rógape ndo'úi
eré nde py'apýpe sapy'ante oú vaerâ.


Torore mità,
iporántema.reke
aipóma oñembo'e
benditosea okápe.

Torore mitâ,
pyhareve vo'í
nde sy ha nde rumi
kokuépe oho vaerâ.

Torore mitâ,
hasype ko reke
roheja terevy'a
nde kéra rekovépe.

Torore mità,
eguereko haguâ nde páype ereko'yva
nde páype ehecha'yva mba'eita rehaihuetéva;
nde rapichápe oguerúva oriéntegui los reyes,
ohechaukávo ndeve tesa'ype rema'êva;
reikua'asé mba'éicha nde rógape ndo'úi
eré nde py'apýpe sapy'ante oú vaerâ.

Jasyjatere


Jasyjatere,
asaje pyte
oturú ñe'ê,
che guerahase.

Jasyjatere,
ava karape,
che mbokyhyje
ahávo ykuápe.

Jasyjatere,
mburuvichaite,
kuarahy jave,
jasy pehengue.

Jasyjatere,
akói rejere
che ángami pyre,
ko'angâ peve.

Kuarahy ra'y ndaje nde,
nde pire mimbi sa'yjúva,
mitâ tyre'ÿ remoirúva
che retâ okáre asaje.

Jasyjatere,
ha'ete kuehe
che muñá hague
kokuére asaje.

Jasyjatere,
aka sa'yjuete,
avati rague
hyjúi nde rehe.

Jasyjatere,
ava ypykue,
mita ha'eve,
marangatuete.

Jasyjatere
reho katuete
pyhare mboyve,
mitâ ayvuete.

Kuarahy ra'y ndaje nde,
nde pire mimbi sa'yjúva,
mitâ tyre'ÿ remoirúva
che retâ okáre asaje.

*Ñe'ë poravo ohai vaekue Gilberto Ramírez Santacruz apytegui ojehekýi, Kamba paraguai, Ava paraguáigui.