KAMBAPU, DIA DE LA CULTURA AFROPARAGUAYA

  Kambapu*

           I

     Kamba   jeroky 

Kambapu pehendu

takuapi guepoti,

takuapu ryapu,

sarambi oguigui.

 

Kambapu ogueru

mbaraka chachacha,

jeroky ipyambu,

Kamakua ovy´a.

 

Kambapu pe ayvu,

opuka pe kuña,

karia´ÿ, lepiju,

vya´ÿ ñemuña.

 

Kambapu pehendu

sapukái ndovavái,

ysapu guyrapu,

ojajái tesarái.

 

Kambapu osunu,

hayvipu angu'a,

angu'apu ipuku,

ijayvu kamba atyra.

 

Kambapu oipeju

mimby kaaguy,

gualambáu ha turu

ñahendu mombyry.

 

Kambapu pehendu,

yvytu ombou.

Kambapu pehendu,

takuapu ryapu.

 

Kambapu pehendu

sapukái ndovavái,

arpapu guyrapu,

ojajái tesarái.

 

Kambapu osunu,

retumba la tumba,

tamborpu ipuku,

rezumba la runfla.

 

Kambapu pehendu,

ayvu mombeu.

Pehendu kambapu,

kambapu pehendu. 

             II 

     Che ha'e Kambapu 

Che ha'e Kambapu,

hasype asê sapy'a,

apo pya'e apu'â,

péina che ânga ipu.

 

Che póre ipoty vy'a'ÿ,

ymaite rehegua posu'u,

ko Kambapu ogueru

tetia'e pyahu ha jeroky.

 

Che ahy'ópe ojera púrahéi

arema osysýiva ipype,

ipojáima voí kuarahyre

aipotágui sa'ÿ teete.

 

Che ha'e Kambapu,

hasype asê sapy'a,

apo pya'e apu'â,

péina che ânga ipu.

 

Paraguaipe aju apyta,

pypuku añembohapo,

para mboypýri aguereko,

ypykuera Afrikape opyta.

 

Ko'ape aju añemoña,

ava morotî ha ava teete,

upégui osê che apé,

jeroviaha Paraguaiete.

 

Che ha'e Kambapu,

hasype asê sapy'a,

apo pya'e apu'â,

péina che ânga ipu.

 

* Francisco Gimenez-pe, karia'y ohehyi kuaáva ysapu ânga sâ,

ohekyi haguere Kambapu tesarái ruguágui ha kera poty’eta apytégui.

 

https://www.youtube.com/watch?v=uFpIU-0LabA&list=OLAK5uy_lcRecvGCHB9TivrbZ_K1g_dVv1qCipc58